 |
del.icio.us |
 |
Digg |
 |
Furl |
 |
|
 |
Rojo |
| Add to OnlyWire |
|
|||
| Lenga oficiala | castelhan | ||
| Capitala populacion (an) |
L'Avana 2 350 000 (2006) |
||
 |
|||
| President | Raúl Castro | ||
| Superfícia | 110 860 km² | ||
| Populacion (2005) Cens (2002) Densitat |
11 382 820 11 177 743 102 ab./km² |
||
| Independéncia - Jorn |
(dels Estats Units) 20 de mai, 1902 |
||
| Moneda | Peso de Cuba | ||
| Ora Ora d'estiu |
UTC-5 UTC-4 |
||
| Imne nacional | La Bayamesa | ||
| ISO-3166 (Internet) | .cu | ||
| Còde telefonic | +53 | ||
Cuba qu'ei un estat situat au còr de las Mar Cariba ; qu'ei constituit de la grana isla de Cuba, de l'Isla de la Joenessa (ancian Isla deus Pins, mei petita e situada au sud de la purmèra) e d'un ensemble de numerosa islas qui las entornejan.
La Republica de Cuba qu'ei un estat socialista.
Somari |
Istòria
Los temps coloniaus
L'isla de Cuba que ho descoberta peu monde europenc lo 27 d'octobre de 1492 a l'escadença deu purmèr viatge de Cristau Colomb qui la batejè Isla Juana en aunor de la hilha deus Reis Catolics d'Espanha. Qu'èra alavetz dejà poblada de Taínos e de Ciboneis, dus pòbles amerindians qui avèvan colonizats l'isla a partir deu continent american.
Enter 1509 e 1511, Sebastián Ocampo que he lo torn de Cuba en bèth provar atau la soa insularitat. En 1510 Diego Velásquez de Cuéllar que prengó en man la conquesta e la colonizacion de Cuba. Lo colons que fondèn Nuestra Señora de la Asunción de Baracoa (uei Baracoa) en 1512, Bayamo en 1513, la Santísima Trinidad (uei Trinidad), Sancti Spiritu, San Critóbal de La Havana (L'Avana) en 1514 e Camagüey en 1515. Chic a chic, la colonizacion, las mauladias importadas deu monde ancian e l'esplecha qu'esterminèn las populacions indigena qui non suberviscó pas sonque dens lo mestissatge. La disparicion d'aquesta man d'òbra qu'encoratgè hèra lèu los colonizators a importar d'Africa ua man d'òbra esclava.
Dinc a la soa indepència d'Espanha, Cuba que demorè ua colonia d'aquesta nacion a despart d'ua breva estona, en 1762 e 1763 qui ho envasida peus Anglés (qui prengón L'Avana) e puish tornada a la corona espanhòu. Aqueth periòde coloniau que ho tanben marcat peu monopòli comerciau de la Casa de Contratación de Sevilla (sola autorizada a comerciar dab l'Isla) e peus atacs deus pirats. Aqueths factors que limitèn hèra las posibilitats de desenvolopament per Cuba.
Las guèrras d'independéncia
Cuba (amassa dab Puerto Rico e las Filipinas) que ho la darrèra colonia espanhòu d'otra mar a accedir a l'idenpendéncia. Lo procés d'independéncia cuban que comença a la meitat de sègle XIX dab ua operacion mauescaduda digirida despuish lo sud deus Estats Units peu veneçuelian Narciso López e que s'acaba en 1898 au mens per çò qui ei de la colonizacion espanhòu [1].
La purmèra fasa de las guèrras d'independéncia que començè lo 10 d'octobre de 1868 quan Manuel de Céspedes, proprietari d'ua tèrra coneguda com La Demajuaga, be liberè los sons esclaus en los perpausar de har la guèrra au poder coloniau e en començant atau la Guèrra deus dètz ans on s'ilustrèn dens lo camp cuban noms com los de : Ignacio Agramonte, Antonio Maceo, Máximo Gómez, José Maceo, Vicente García González e Calixto García. En 1878, la guèrra qu'èra indecisa, penibla e costosa peus dus camps qui acordèn lo Pacte deu Zanjón qui permetèva aus insurjats d'abandonar las armas contra ua soma d'argent. Totun, un generau relucionari, Antonio Maceo, qu'arrefusè aqueth pacte e que'u reponó per la Protesta de Baraguá. A maugrat d'aqueth texta, Cuba qu'entrè dens ua tempora de patz relativa coneguda com la Tregua Fecunda (la treva feconda).
En 1895 ua navèra guèrra que comencè, aqueth còp gavidada per José Martí. Que s'acabore dab l'intervencion militara deus Estats Units justificada per l'explosion deu lor vaishèths cuirassat Maine dens lo pòrt de L'Avana. En 1898, Espanha que ho des.hèita e que perdó Cuba, Puerto Rico e las Filipinas a l'escadença de la signatura deu Tractat de París.
Cuba que ho sancerament administrada peus Estats Units dinc au 20 de mai de 1902 quan los nòrdamericans be'u autrejèn l'independéncia dab la condicion qu' incluessi l'Esmendament Platt dens la soa constitucion impausan atau lo dret peus Estats Units d'intervenir militarament dens los ahars politics de Cuba.
Politica
Fidel Castro foguèt lo president de la Republica de Cuba (de 1959 dusca 2008). Dempuèi lo 24 de febrièr de 2008, son fraire Raúl Castro es lo president de la Republica de Cuba.
Geografia
Economia
De veire: Economia de Cuba
Cultura
Ligams extèrnes
Antigua e Barbuda | Argentina | Bahamas | Barbados | Belize | Bolívia | Brasil | Canadà | Colómbia | Chile | Còsta Rica | (Cuba) | Dominica | Republica Dominicana | Eqüator | Estats Units d'America | Grenada | Guatemala | Guyana | Haití | Honduras | Lo Salvador | Jamaica | Mexic | Nicaragua | Panamà | Paraguai | Peró | Sant Cristòl e Nevis | Santa Lúcia | Sant Vincenç e las Grenadinas | Surinam | Trinitat e Tobago | Uruguai | Veneçuèla
